Aviso Legal e Privacidade

Condicións xerais de uso do sitio www.iim.csic.es

O Instituto de Investigacións Mariñas do Consello Superior de Investigacións Científicas (en diante, “IIM-CSIC” ou, simplemente “o Instituto”) informa de que o acceso e uso do sitio web baixo o dominio www.iim.csic.es e de todos os subdominios e directorios incluídos baixo este (en diante, conxuntamente denominados como o Sitio) están suxeitos aos termos que se detallan neste Aviso Legal, sen prexuízo de que o acceso a algún dos devanditos servizos ou contidos puideren precisar da aceptación dunhas Condicións Xerais adicionais.

O IIM-CSIC resérvase o dereito de realizar cambios no Sitio sen previo aviso, co obxecto de actualizar, corrixir, modificar, engadir ou eliminar os contidos ou o deseño. Debido a que a actualización da información non é inmediata, suxerímoslle que comprobe sempre a vixencia e exactitude da información, servizos e contidos presentados. Do mesmo xeito, as condicións e termos que se recollen no presente Aviso poden variar, polo que lle suxerimos que revise estes termos cando visite de novo o Sitio.

O IIM-CSIC non se fai responsable dos danos e prexuízos que puider ocasionar a utilización das ferramentas e informacións contidas en www.iim.csic.es en relación coa adopción de decisións sobre o inicio, desenvolvemento ou resultado de procedementos administrativos. Tales decisións deben contrastarse cos departamentos e áreas competentes do Instituto de Investigacións Mariñas ou dos centros, organismos ou dependencias competentes. En calquera caso, a información e os contidos desta web non poderán alegarse en procesos contraditorios coa Administración Pública, non asumindo responsabilidade ningunha polas discrepancias que puideren existir entre os documentos impresos da Administración competente e a publicación electrónica nestas páxinas.

Dereitos de propiedade intelectual e de propiedade industrial

Tanto o deseño do Sitio e os seus códigos fonte como os logos, marcas e demais signos distintivos que aparecen nel pertencen ao IIM-CSIC ou entidades colaboradoras e están protexidos polos correspondentes dereitos de propiedade intelectual e industrial.

A información dispoñible neste sitio web, agás indicación expresa do contrario, é susceptible de reutilización, quedando autorizada a súa reprodución total ou parcial, modificación, distribución e comunicación, para usos comerciais e non comerciais, con suxeición ás seguintes condicións:

• Queda prohibida, en calquera circunstancia, a desnaturalización do contido da información.

• A persoa usuaria queda obrigada a citar a fonte dos documentos obxecto da reutilización.

• A persoa usuaria queda obrigada a mencionar a data da última actualización dos documentos obxecto da reutilización.

• O IIM-CSIC declara o seu respecto aos dereitos de propiedade intelectual e industrial de terceiros; por isto, se vostede considera que este sitio puider estar a violar os seus dereitos, pregámoslle que se poña en contacto coa persoa responsable da Comunicación do Instituto (comunicaciones@iim.csic.es) ou, no seu defecto, coa Xerencia do Instituto (iimg301@csic.es).

Ligazóns ou hiperenlaces

Aquelas persoas usuarias que se propoñan establecer un hiperenlace entre a súa páxina web e a do IIM-CSIC deberán ter en conta o seguinte:

• O establecemento do hiperenlace non implica, en ningún caso, a existencia de relacións entre o IIM-CSIC e a persoa propietaria da páxina web nin a aceptación e aprobación por parte do IIM-CSIC dos seus contidos ou servizos. Por tanto, non se declarará nin se dará a entender que o IIM-CSIC autorizou expresamente o hiperenlace nin que supervisou ou asumiu os contidos e servizos ofrecidos ou postos a disposición na devandita páxina web.

• O IIM-CSIC non se responsabiliza de ningún xeito nin garante a calidade, exactitude, fiabilidade, corrección ou moralidade de contidos ou servizos que o establecemento do hiperenlace poida ofrecer. Quen acceda á páxina web do hiperenlace asume baixo a súa exclusiva responsabilidade as consecuencias, danos ou accións que puideren derivar do devandito acceso.

• A páxina web na que se estableza o hiperenlace non poderá conter ningunha  marca, denominación, logotipo, slogan nin outros signos distintivos pertencentes ao IIM-CSIC, agás aqueles signos que formen parte do propio hiperenlace.

• A páxina web na que se estableza o hiperenlace non conterá informacións con contidos ilícitos, contrarios á moral e ós bos costumes xeralmente aceptados e ao orden público. Do mesmo xeito, non conterá contidos contrarios a dereitos de terceiros nin fomentará o odio contra colectivos tradicionalmente minorizados por cuestión de xénero, racialización, orientación ou identidade sexual, idade, diversidade funcional ou calquera outra característica que fose tradicionalmente motivo de discriminación.

Frames

O IIM-CSIC prohibe expresamente a realización de “framings” ou a utilización por parte de terceiros de calquera outro mecanismo que altere o deseño, configuración orixinal ou contidos do seu sitio.

Privacidade

Esta páxina web non recolle información persoal ningunha, máis aló da información recollida na nosa Política de Rastros (“cookies”).

No caso de que algunha información for recollida, a devandita recollida e o tratamento automatizado dos datos persoais obtidos a través desta web tería como finalidade a xestión do servizo solicitado pola persoa usuaria, así como o seguimento de consultas enviadas. A base legal do tratamento é o consentimento da persoa afectada e a súa necesidade para o desenvolvemento das funcións e misións públicas propias do CSIC, que é a entidade responsable do tratamento. Non resulta posible realizar unha previsión dos prazos de supresión, que estarán en función do suposto e do servizo solicitado.

A normativa require que se faga público por medios electrónicos o inventario de actividades de tratamento. No apartado de Transparencia da páxina web do Consello Superior de Investigacións Científicas (www.csic.es) figura o Rexistro de Actividades de Tratamento (RAT) do CSIC. A través das ligazóns sinaladas no devandito apartado, pode acceder aos RAT correspondentes á organización central do CSIC e aos correspondentes aos Centros e Institutos do CSIC que especifican, para cada tratamento, a identidade da persoa responsable, a base xurídica, fins do tratamento, categoría de datos e previsións de supresión, así como a descrición xeral das medidas técnicas e organizativas de seguridade.

De acordo coa Lei Orgánica 3/2018, de 5 de decembro, de Protección de Datos Persoais e garantía dos dereitos dixitais (LOPDGDD), o Regulamento Xeral de Protección de Datos (RGPD) e lexislación concordante, o IIM-CSIC comprométese ao cumprimento da obriga de secreto con respecto aos datos de carácter persoal e ao deber de tratalos con confidencialidade trala realización das análises de riscos correspondentes, en especial, de acordo coa Disposición adicional primeira da LOPDGDD, as medidas de seguridade que correspondan das previstas no Esquema Nacional de Seguridade necesarias para evitar a súa alteración, perda, tratamento ou acceso non autorizado.

A persoa usuaria poderá exercitar en todo momento os dereitos de acceso, rectificación, cancelación, oposición, limitación ou portabilidade dirixíndose por escrito á Xerencia do Instituto de Investigacións Mariñas (iimg301@csic.es). Pódese contactar coa persoa Delegada de Protección de Datos do CSIC a través do correo delegadoprotecciondatos@csic.es.

O IIM-CSIC resérvase a facultade de modificar a presente Política de Privacidade para adaptala ás novidades lexislativas, xurisprudenciais ou de interpretación da Axencia Española de Protección de Datos. Neste caso, o IIM-CSIC anunciará os devanditos cambios, indicando claramente e coa debida antelación as modificacións efectuadas e solicitando, en caso de se considerar necesario, a súa aceptación.

Lei aplicable e xurisdición

A lei aplicable en caso de disputa ou conflito de interpretación dos termos que conforman este Aviso Legal, así como calquera cuestión relacionada cos servizos do presente Sitio, será a lei española.

Para a resolución de calquera conflito que poida xurdir con ocasión da visita ao Sitio ou do uso dos servizos que nel se poidan ofertar, o IIM-CSIC e a Persoa Usuaria acordan someterse aos Xuíces e Tribunais do domicilio da Persoa Usuaria, sempre que este estea situado en territorio español.