Capacidades e produtos de innovación

Desenvolvemento de novas fórmulas e dietas sostibles para o seu subministro ás especies de cultivo co fin de mellorar a súa calidade e benestar.

Un kit de ferramentas de software de apoio para a análise de distinguibilidade de modelos de redes de reaccións químicas (CRN).

Podes atopar máis información aquí.

Uso de modelos animais (peixe cebra, rodaballo, rato, etc.) como sistemas modelo para estudar a bioactividade de diferentes compostos, así como de enfermidades que afectan a peixes e a seres humanos (choque séptico, doenzas inflamatorias, etc.).

Caracterización e modelaxe de proliferacións de algas e a súa interacción coas condicións oceanográficas e medioambientais para modelar e predicir episodios de proliferación.

Desenvolvemento de técnicas (metabolómica, proteómica, xenómica, lipidómica e biomarcadores) para caracterizar a resposta das células a diferentes biomoléculas e validar a súa actividade e seguridade.

Este modelo e o seu código asociado desenvolvéronse para optimizar os protocolos de desinfección e minimizar a resistencia bacteriana. Este modelo aplicouse no seguinte artigo científico: Optimization of E. coli Inactivation by Benzalkonium Chloride Reveals the Importance of Quantifying the Inoculum Effect on Chemical Disinfection. Front. Microbiol., 26 June 2018. https://doi.org/10.3389/fmicb.2018.01259

Podes atopar máis información e acceder ao código aquí.

Desenvolvemento de técnicas de espectroscopia de masas para a identificación e cuantificación rápida de parasitos en produtos do mar, así como de técnicas de proteómica para identificar microorganismos patóxenos, parasitos de peixes e proteínas alerxénicas.

GenSSI é un kit de ferramentas que require MATLAB e Symbolic Math Toolbox. Ofrece unha técnica para estudar a identificabilidade estrutural mediante derivadas de Lie iterativas e táboas de identificabilidade.

Podes atopar máis información aquí.

iObserver é un dispositivo de vixilancia innovador que usa vixilancia automatizada por vídeo acoplada a desenvolvementos de intelixencia artificial para recoñecemento visual e cuantificación das capturas a bordo de barcos pesqueiros.

iObserver consiste nun sistema de gravación de imaxe continua adaptable a diversos tipos de barcos pesqueiros e algoritmos de Deep Learning para identificar e cuantificar automaticamente as capturas a bordo en tempo real.

iObserver céntrase fundamentalmente no desenvolvemento de algoritmos para o recoñecemento automático fiable e a estima do tamaño de especies de peixes sobre unha cinta transportadora. Fixéronse probas a bordo tanto de buques oceanográficos españois como de barcos pesqueiros. Con máis de 300 días no mar, iObserver utilizouse en máis de 1000 lances, tomou máis de 200.000 imaxes e o sistema xa conta con 17 especies incluídas no seu catálogo.  

Para máis información, escríbenos un correo electrónico.

Análise da acidificación, eutrofización e concentración de diferentes contaminantes (HAP, metais pesados, contaminantes emerxentes, etc.) en mostras de auga, así como do seu impacto sobre os procesos biolóxicos e bioquímicos.